Helga bloggar blogg!

http://buningurinn.is/
Þetta er mjög skemmtileg síða
|

Síðasta tilraun gekk ekki: sjáið bara með eigin augum hvað ég er mikil risaeðla í tæknimálum! Þetta nær ekki nokkurri átt skal ég nú segja ykkur!!!




What movie Do you Belong in?(many different outcomes!)
brought to you by Quizilla
Jæja, ég held að þetta sjáist núna!Nei sko mig, þrefalt húrra fyrir mér!!! Ég tók eitthvað próf á netinu sem á að segja manni í hvaða kvikmynd ég ætti helst heima...og já, ég er greinilega nýuppgötvaður tvífari E.T.!!! Lovely person, wrong planet...

Jæja, ég ætla að reyna að læra eitthvað, er að skrifa um kenningar varðandi kennslu hugtaka í félagsgreinum...skýrt og áhugavert, ekki satt??? ;) Sé þig síðar, krókódíll!

|

Jæja, nú ætla ég að gera hérna nokkrar tilraunir!!! Ég ætla að reyna að gera linka á einhverjar skemmtilegar síður
hér er til dæmis bloggið hennar Eddu.
Þetta er niðurstaðan úr prófi sem ég fór í á netinu um það í hvaða kvikmynd ég ætti helst heima: http://quizilla.com/cgi-bin/result/result.pl
Svona er víst ég!!!
|

Ég er enn og aftur í vinnunni á Listasafninu. Það er bara búið að vera nokkuð mikið að gera í dag, enda margir sem vilja sjá nýju sýninguna hjá okkur. Það er sýning núna í öllum sölunum á verkum Júlíönu Sveinsdóttur sem má segja að hafi verið fyrsta íslenska listakonan. Verk hennar samanstanda bæði af vefnaði og málverkum og er ég mjög hrifin af þessari sýningu. Það er líka mjög mikið af gömlum konum sem koma að skoða sýninguna! og síðan eru þær duglegar við að borða kökur á kaffistofunni!!! Það er annars ótrúlegt hvað kvenpeningurinn er sjúkur í sætindi, höfum við engan viljastyrk stelpur?!!!!!!! Ég er annars að reyna að vera í nammibindindi, það er fjórði dagurinn í dag síðan að ég hef bragðað nammi...húrra fyrir því!!! :)

|

Góðan dag!
Núna er ég í vinnunni á Listasafni Íslands og mun vera að vinna þar alla helgina...og vitið þið hvað, ég er ótrúlega glöð, mér var boðin föst staða hérna aðra hvora helgi!!! Ég mun semsagt vinna í safnbúðinni aðra hvora helgi en því fylgir heilmikil ábyrgð, til dæmis að gera upp að vinnu lokinni, sjá um að alltaf sé til nóg af kortum og bókum svo og ýmsum listmunum sem fást hérna. Stórt bros!!!
|

Mér líður eins og svampi...ekki eins og ég viti endilega hvernig svampi líður en þykist geta sett mig í spor hans!!! Þetta er búið að vera mjög orkufrekur dagur en í dag gekk ég endanlega frá Nýsköpunarsjóðsverkefninu og skilaði því...ég er frjáls kona! Það gekk nú samt allt á afturfótunum með það að koma því, ég fór í Háskólafjölritun rúmlega 12 til þess að láta prenta það út og reiknaði ég með einverjum klukkutíma í það. Ónei, aldeilis ekki. Ég fór út úr Háskólafjölritun tíu mínútur í þrjú. Að vera í Háskólafjölritun í næstum því þrjá klukkutíma er aðeins of mikið! Þannig að þegar ég kom heim þá bara steinsofnaði ég og var að vakna, og veitti ekki af! Í kvöld ætla ég að njóta þess að vera til, en fyrst og fremst þó að reyna að taka aðeins til og safna orku fyrir helgina, en ég er að fara að vinna á Listasafninu á morgun, laugardag og sunnudag og líka um næstu helgi. En það verður bara gaman. Bless í bili!
|

Úff, það er nú búið að vera meiri kuldinn í dag, og það komu meira að segja smá haglél í dag! Ég hélt að veturinn myndi ekki byrja alveg svona snemma. Þetta er búinn að vera svo langur dagur, ég vaknaði klukkan sjö til þess að vinna í nýsköpunarsjóðsverkefninu (sem er btw alveg að verða búið, bara eftir að gera efnisyfirlit og formála!), fór síðan upp á Árbæjarsafn um hálfellefu og náði að prenta verkefnið út. Úff, þetta reyndust vera 196 blaðsíður allt í allt! Ég sneri síðan aftur niður í skóla um hálftvöleytið með nokkur hundruð blaðsíðum þyngri tösku. En mikið sem ég verð nú hamingjusöm kona á fimmtudaginn...þá mun ég skila inn verkefninu!!! Húrra fyrir því! Þetta er samt búið að ganga nokkuð vel og hef ég kynnt alveg óskaplega góðu fólki í gegnum viðtölin. Jæja, áfram gakk, bless og takk!
|

fdfjkjdlfkjdkjfdlkfd
|

Ég upplifði það held ég í fyrsta sinn á ævinni í dag að þykja gaman í strætó! Það var nefnilega þessi "bíllausi dagur" í dag og var ókeypis í strætó. Ég var í Valsheimilinu í tíma og labba venjulega heim eftir tíma en ákvað að taka strætó...og það var svona líka stemmning í strætó, sólskinsbros á hverjum manni (eða kannski ég hafi verið að misskilja og hafi tekið salatbílinn í misgripum...)
|

Ég er svo dugleg, nú er ég að skrifa í þriðja sinn inn á nýja bloggið mitt. Ég er svo stolt! en ég verð að fara að hætta þessari vitleysu, hef sko margt annað þarfara að gera, til dæmis að læra eins og eina blaðsíðu eða svo!!!!
bless í bili og hafið það gott!
|

ég er nú bara orðin nokkuð góð í þessu, finnst ykkur ekki?! þetta kemur allavega inn hjá mér!

|

Jæja, ég er nú bara að prófa mig áfram í þessu!Trallalallalí, tæknin er nú þvílíkt undur!
|